Португалия терма жамоаси ҳужумчиси Криштиану Роналду 2026 йилги жаҳон чемпионати "K" гуруҳи 2-туридан ўрин олган Ўзбекистонга қарши баҳсда дубль қайд этиб, мамлакат рекордини янгилади.
Хьюстон шаҳридаги "Эн-Эр-Жи Стэдиум" стадионида ўтаётган учрашувда Роналду икки марта рақиб дарвозасини ишғол қилди ва жаҳон чемпионатларидаги голлари сонини 10 тага етказди.
Шу тариқа 41 ёшли футболчи Португалия терма жамоаси тарихида жаҳон чемпионатларида энг кўп гол урган ўйинчига айланди. Бу борадаги аввалги рекорд афсонавий ҳужумчи Эйсебиога тегишли бўлиб, у мундиалларда 9 та гол урган эди.
Бундан ташқари, Ўзбекистон дарвозасига киритилган голлар орқали Роналду яна бир тарихий натижага эришди. У жаҳон чемпионатларида олтита турли турнирда гол урган илк футболчи сифатида тарихга кирди.
Португалиялик юлдуз 2006, 2010, 2014, 2018, 2022 ва 2026 йиллардаги жаҳон чемпионатларида рақиблар дарвозасини ишғол қилишга муваффақ бўлган.













