Португалия терма жамоаси ҳужумчиси Криштиану Роналду 2026 йилги жаҳон чемпионати K гуруҳи 2-турида Ўзбекистонга қарши ўйинда икки бор гол уриб, яна бир тарихий натижага эришди.

Маълум қилинишича, Роналдунинг жаҳон чемпионатларида биринчи голи билан охирги голи ўртасида 20 йил 6 кун вақт ўтган. У илк бор мундиалда 2006 йил 17 июнь куни Эрон дарвозасига гол урган бўлса, 2026 йил 23 июнь куни Ўзбекистонга қарши баҳсда дубль қайд этди.

Шу тариқа португалиялик юлдуз жаҳон чемпионатлари тарихида биринчи ва охирги голлар орасидаги энг узоқ вақт бўйича рекорд ўрнатди ва Аргентина терма жамоаси ҳужумчиси Лионель Месси билан тенглашди. Мессининг биринчи голи 2006 йил 16 июнь куни Сербияга қарши ўйинда, охиргиси эса 2026 йил 22 июнь куни Австрияга қарши баҳсда қайд этилган.

Жаҳон чемпионатлари тарихида ушбу кўрсаткич бўйича энг яхши натижалар қуйидагича кўриниш олган:

— 20 йил 7 кун — Криштиану Роналду (2006 йил 17 июнь, Эронга қарши — 2026 йил 23 июнь, Ўзбекистонга қарши)
— 20 йил 7 кун — Лионель Месси (2006 йил 16 июнь, Сербияга қарши — 2026 йил 22 июнь, Австрияга қарши)
— 12 йил 40 кун — Мирослав Клозе (2002–2014)
— 12 йил 19 кун — Микаэль Лаудруп (1986–1998)
— 12 йил 13 кун — Ивица Олич (2002–2014)