Бразилия терма жамоаси бош мураббийи Карло Анчелотти Эндрик ва Неймарни майдонга тушириш ҳақидаги илтимослар устидан ҳазил қилди.
Аввалроқ италиялик мутахассис «Сантос» ҳужумчиси Шотландияга қарши ўйинда жамоа таркибида бўлишини маълум қилганди. Эндрик эса бундан олдин Гаитига қарши баҳсда майдонда 26 дақиқа ўтказган эди.
«Мухлислар Эндрикни майдонда кўришни жуда хоҳлашаётганини пайқадим, аммо эртага бизда Неймар ҳам бўлади. Шундай экан, мухлисларда Эндрик ва Неймар ўртасида танлов борасида иккиланиш бўлармикан? Менимча, улар иккаласини ҳам талаб қилишади», — деди Анчелотти.
Бразилияликлар ЖЧ 3-турида Шотландия терма жамоасига қарши 25 июнь куни Тошкент вақти билан соат 03:00да майдонга тушишади.
