Мадриднинг «Реал» клубида Винисиус Жуниор билан янги шартнома бўйича музокаралар ўтказиш режалаштирилди.
Бразилиялик футболчининг амалдаги меҳнат шартномаси тугашига атиги бир йил қолди. Журналист Хосе Феликс Диаснинг хабарига кўра, «қаймоқранглилар» раҳбарияти ҳужумчи билан музокараларни жаҳон чемпионати якунланганидан сўнг тез орада ўтказиш ниятида. Агар келишувга эришилмаса, клуб турли вариантларни, жумладан, эҳтимолий сотувни ҳам кўриб чиқади.
Винисиус Жуниор 2018 йилдан буён «Реал» таркибида тўп суриб келмоқда. Якунланган мавсумда футболчи 53 та учрашувда ўз ҳисобига 22 та гол ва 14 та голли узатмани ёздириб қўйди. 12 июль куни ҳужумчи 26 ёшга тўлади.
