Madridning «Real» klubida Vinisius Junior bilan yangi shartnoma bo‘yicha muzokaralar o‘tkazish rejalashtirildi.

Braziliyalik futbolchining amaldagi mehnat shartnomasi tugashiga atigi bir yil qoldi. Jurnalist Xose Feliks Diasning xabariga ko‘ra, «qaymoqranglilar» rahbariyati hujumchi bilan muzokaralarni jahon chempionati yakunlanganidan so‘ng tez orada o‘tkazish niyatida. Agar kelishuvga erishilmasa, klub turli variantlarni, jumladan, ehtimoliy sotuvni ham ko‘rib chiqadi.

Vinisius Junior 2018 yildan buyon «Real» tarkibida to‘p surib kelmoqda. Yakunlangan mavsumda futbolchi 53 ta uchrashuvda o‘z hisobiga 22 ta gol va 14 ta golli uzatmani yozdirib qo‘ydi. 12 iyul kuni hujumchi 26 yoshga to‘ladi.