Жаҳон чемпионатлари тарихидаги энг яхши тўпурар Лионель Месси яна бир неча йил ўйнашини ва ҳозирча фаолиятини якунламоқчи эмаслигини маълум қилди.
Месси Аргентина терма жамоасининг 2026 йилги жаҳон чемпионатида урган барча бешта голига муаллифлик қилди. Бундан ташқари, у Австрияга қарши ўйинда пенальтини ноаниқ амалга ошириб, тўпни дарвоза ёнидан тепиб юборган эди.
«Ҳа, мен яна бироз вақт, бир неча йил, то соғлиғим йўл қўйгунича ва жамоаларимга фойда келтира олишимгача давом этаман», — дея Мессининг сўзларини келтиради Фабрицио Романо.
Аргентина терма жамоаси мундиал стартидаги иккита ғалаба эвазига плей-офф босқичи йўлланмасини муддатидан олдин нақд қилди. Гуруҳ босқичининг Иорданияга қарши сўнгги баҳси турнир нуқтаи назаридан аҳамиятга эга бўлмайди.
