Мадриднинг «Реал» клуби янги бош мураббийи Жозе Моуриньо нима учун клубга қайтишга қарор қилганини айтиб берди.

«Мен «Реал»ни яхши кўришимни инкор этмайман ва айнан шунинг учун ҳам қайтдим. Лекин «Барселона»га қарши ҳеч қандай адоватим йўқ — ҳеч қандай салбий туйғулар мавжуд эмас. Мен шунчаки ушбу жамоага қарши ўйинлардан завқ оламан, чунки энг кучли рақибларга қарши баҳс олиб боришни яхши кўраман. Энг зўрлар билан ўйнаб, ўзинг ҳам яхшиланиб борасан. «Реал» — дунёда биринчи рақамли клуб, «Барса» эса энг зўрларидан бири», — дея Моуриньонинг сўзларини келтиради Испания оммавий ахборот воситалари.

Эслатиб ўтамиз, португалиялик мутахассис ўзининг дастлабки ташрифида «қаймоқранглилар»ни 2010 йилдан 2013 йилгача бошқарган эди.