Норвегия терма жамоаси ҳужумчиси Эрлинг Холанднинг отаси Альф-Инге Холанд ўғлининг Франция миллий терма жамоаси ҳужумчиси Килиан Мбаппе билан бўлган рақобати ҳақида фикр билдирди. Терма жамоалар ЖЧ-2026 гуруҳ босқичининг 3-тури доирасида 26 июнь куни ўзаро майдонга тушишади.
«Улар анчадан бери рақобатлашиб келишмоқда. Ўйлайманки, уларга ушбу чақирув ёқади ва бу иккаласини ҳам мотивлаштиради. Агар бири гол урса, иккинчиси ҳам гол уришни хоҳлайди. Килиан — фантастик футболчи. Эрлинг ҳам жуда яхши ўйинчига айланиб бормоқда. Бу қарама-қаршилик келажакда жуда қизиқ бўлади», — дея норвегияликнинг сўзларини келтиради «RMC Sport».
Жаҳон чемпионати — 2026 АҚШ, Канада ва Мексика майдонларида 11 июндан 19 июлгача бўлиб ўтмоқда. Турнирнинг амалдаги чемпиони Аргентина терма жамоаси ҳисобланади.
