Нукуслик 11 ёшли Жаҳонгир Содиқов FIFA жаҳон чемпионати — FIFA World Cup 2026 доирасида Ўзбекистон ва Португалия терма жамоалари ўртасидаги ўйин олдидан расмий тўпни майдонга олиб чиқди.
Учрашув 23 июнь куни Ҳьюстонда бўлиб ўтди. Ўйин бошланишидан олдин Жаҳонгир FIFA расмий ўйин тўпи билан майдонга чиқди. У мазкур маросимда қатнашиш имкониятига Kia x FIFA World Cup 2026 болалар танловида ғолиб чиққани сабабли эга бўлганди.
Kia Uzbekistan билдирилишича, Жаҳонгирнинг маросимда иштироки компаниянинг FIFA World Cup 2026 билан ҳамкорлик доирасидаги ташаббусининг бир қисми ҳисобланади.
Португалияга қарши ўйин ўзбек мухлислари учун тарихий аҳамиятга эга бўлди, чунки Ўзбекистон терма жамоаси АҚШ майдонларида бўлиб ўтадиган учрашувини бошлади. Биринчи ўйин Мексика майдонларида бўлиб ўтганди.













