Босния ва Герцеговина терма жамоаси жаҳон чемпионати гуруҳ босқичининг сўнгги учрашувига тайёргарлик кўрмоқда, бугун оқшом улар Қатар терма жамоасига қарши майдонга тушишади.
Араблар устидан ғалаба қозонилган тақдирда, боснияликлар курашни давом эттириш учун яхши имкониятга эга бўлишади ва майдонда, шубҳасиз, Болқон жамоасининг асосий зарбадор кучи — Эдин Жеко ҳаракат қилади.
Ўз ҳаётида иккинчи бор жаҳон чемпионатида иштирок этаётган ёши катта ҳужумчи учун бу Босния ва Герцеговина терма жамоаси сафидаги юбилей — 150-ўйин бўлади. «Оққуш» терма жамоада ўзининг дебютини узоқ 2007 йилда ўтказган бўлиб, илк ўйинидаёқ гол уришга муваффақ бўлган эди.
