Opta суперкомпьютери ЖЧ-2026 гуруҳ босқичининг икки туридан кейин Ўзбекистон миллий терма жамоасининг турнирдаги имкониятлари бўйича янгиланган башоратини эълон қилди.

Колумбияга (1:3) ва Португалияга (0:5) мағлуб бўлган Ўзбекистон терма жамоаси К гуруҳида очкосиз ҳолда сўнгги ўринда бормоқда.

Янгиланган ҳисоб-китобларга кўра, Ўзбекистоннинг плей-офф босқичига чиқиш эҳтимоли 7,36 фоизни ташкил этмоқда. Жамоанинг гуруҳда биринчи ўринни эгаллаш имконияти эса нол фоизга тенг.

Шунингдек, таҳлилчилар Ўзбекистоннинг:

 1/8 финалга чиқиш эҳтимолини — 1,24%,
 чорак финалга чиқиш эҳтимолини — 0,33%,
 ярим финалга чиқиш эҳтимолини — 0,06%

деб баҳолашмоқда.

Финалга чиқиш ва жаҳон чемпионлиги учун курашиш эҳтимоли эса деярли мавжуд эмас деб ҳисобланмоқда.

Эслатиб ўтамиз, Ўзбекистон миллий терма жамоаси гуруҳ босқичидаги сўнгги учрашувини 28 июнь куни Конго ДРга қарши ўтказади. Фабио Каннаваро шогирдлари учун мазкур баҳс плей-офф имкониятларини сақлаб қолиш йўлида ҳал қилувчи аҳамият касб этади.