«Реал» бош мураббийи Жозе Моуриньо ҳозирги "эл-класико"ларни аввалги йиллардаги «Барселона»га қарши қарама-қаршиликлар билан таққослади.
— Одамлар энди "эл-класико"ни аввалгидек кутмайди. Ўша пайтларда бутун дунё тўхтаб қолгандек бўларди. Бу фақат Мадрид ва Барселона ёки Испания ҳақида эмас эди. Бу бутун дунё учун муҳим воқеа эди. Одамлар бу ўйинларни катта интизорлик билан кутарди.
Албатта, Криштиану ва Месси ўша даврнинг рамзлари эди. Улар дунёнинг энг яхши икки футболчиси ҳисобланарди. «Реал» — дунёнинг энг яхши клуби. «Барселона» эса «Реал»дан кейинги энг яхши клублардан бири, — деди Моуриньо.
Эслатиб ўтамиз, португалиялик мутахассис 2010–2013 йиллар оралиғида «Реал»ни бошқарган ва айнан шу даврда «Барселона»га қарши кўплаб шиддатли "эл-класико"ларда иштирок этган. Унинг жамоаси ўша йилларда Криштиану Роналду бошчилигида ҳаракат қилган бўлса, каталонияликлар сафида Лионель Месси тўп сурган.













