Жаҳон чемпионати гуруҳ босқичининг 3-туридан ўрин олган Босния ва Герцеговина ҳамда Қатар терма жамоалари ўртасидаги учрашув якунланди. Унда УЕФА вакиллари 3:1 ҳисобидаги ишончли ғалабани қўлга киритишди. Бу ғалабадан сўнг боснияликлар ўз гуруҳида 4 очко билан учинчи ўринни банд этди ва энг яхши натижа қайд этган 8 та учинчи ўрин соҳибларидан бири сифатида плей-оффга йўл олиш учун яхши имкониятга эга бўлиб турибди.
Ушбу учрашувнинг энг яхши футболчиси деб Босния ва Герцеговина терма жамоаси ярим ҳимоячиси Керим Алайбегович эътироф этилди. У мазкур баҳсда ҳисобни очишга муваффақ бўлган эди. Ўйиндан сўнг Алайбеговичга махсус эсдалик совғаси топширилди.
Эслатиб ўтамиз, ЖЧ-2026 мусобақаси 19 июль куни якунига етади. Шу куни бош соврин учун финал учрашуви бўлиб ўтади.
