Қатар миллий терма жамоаси жаҳон чемпионатларида у қадар катта бўлмаса-да, маълум бир тажрибага эга бўлиб бормоқда. Қатарликлар 2022 йили ўз тарихида илк бор мундиалда дебют қилишган эди. Ўшанда жамоа саралаш босқичида қатнашмаган, чунки турнир Қатарнинг ўзида бўлиб ўтганди.

2022 йилги уй мезбонлигидаги дунё биринчилигида Қатар терма жамоаси гуруҳ босқичидаги ҳар учала ўйинда ҳам мағлубиятга учраганди — Эквадор (0:2), Сенегал (1:3) ва Нидерландия (0:2).

Орадан деярли тўрт йил ўтиб, қатарликлар ЖЧ-2026да бундан сал яхшироқ натижа қайд этишди — битта очкони қўлга киритишди, бироқ барибир квартетда сўнгги ўринни эгаллашди. Жамоа дастлаб Швейцария билан дуранг ўйнади (1:1), шундан сўнг Канада (0:6) ва Босния ва Герцеговинага (1:3) имкониятни бой бериб қўйди.