Канада терма жамоаси бош мураббийи Жесси Марш жаҳон чемпионати гуруҳ босқичининг 3-туридан ўрин олган Швейцарияга қарши учрашув якунлари ҳақида ўз фикрларини билдирди.
«Мен жамоамизнинг характерини яхши биламан. Таркибимизда ҳар бир вазиятда бор кучини беришга тайёр бўлган футболчилар йиғилган. Бундай ўйинларда барчасини кичик деталлар ҳал қилади. Баҳс бошида ҳаддан ташқари эҳтиёткорликка йўл қўйдик ва етарлича тажовузкор ўйин кўрсата олмадик. Шунга қарамай, мен эътиборни кўпроқ ижобий жиҳатларга ва жамоанинг мағлубиятдан кейинги реакциясига қаратмоқчиман. Кўрсатилган қўллаб-қувватлаш учун бутун мамлакатга ва мухлисларимизга миннатдорчилик билдираман. Биз ўз мақсадимизга эришдик — плей-офф босқичига йўл олдик», — деди мутахассис ўйиндан кейинги матбуот анжуманида.
Эслатиб ўтамиз, ушбу учрашувда канадаликлар 1:2 ҳисобида имкониятни бой беришган бўлса-да, гуруҳда иккинчи ўринни сақлаб қолган ҳолда мусобақанинг плей-офф босқичи йўлланмасига эга чиқишди.
