Каталониянинг «Барселона» клуби жамоада ижара асосида тўп сурган ҳужумчи Маркус Рэшфорднинг трансфер ҳуқуқини сотиб олмайдиган бўлди.
ElNacional.cat нашрининг хабар беришича, «кўк-анорранглилар» спорт директори Деку англиялик футболчига «Барселона» уни ҳатто пасайтирилган нархда ҳам сотиб олишдан манфаатдор эмаслигини маълум қилган. Эндиликда ҳужумчининг олдида иккита йўл бор — «Манчестер Юнайтед»да қолиш ёки ўзига янги жамоа излаш.
Маълумот учун, Маркус Рэшфорд 2025 йилнинг июль ойидан буён «Барселона» шарафини ҳимоя қилиб келаётган эди. Якунланган 2025/26 йилги мавсумда ҳужумчи каталонияликлар сафида барча мусобақаларда жами 49 та учрашувда майдонга тушиб, 14 та гол урди ва 14 та голли узатмани амалга оширди. Форварднинг «Манчестер Юнайтед» билан амалдаги шартномаси 2028 йилнинг 30 июнига қадар мўлжалланган. Нуфузли Transfermarkt портали Рэшфорднинг трансфер қийматини 40 миллион еврога баҳоламоқда.
