«Лидс» клуби ҳимоячиси Габриэль Гудмундссон фаолиятини топ-клубда давом эттириши мумкин.

Таниқли журналист Анель Авдичнинг хабар беришича, 27 ёшли футболчини ўз сафига қўшиб олишга Лондоннинг «Челси» клуби жиддий қизиқиш билдирмоқда. «Кўклар» швециялик футболчини яқиндагина Мадриднинг «Реал» клубига кўчиб ўтган Марк Кукурельянинг ўринбосари сифатида кўришмоқда.

Маълумот учун, Габриэль Гудмундссон 2025 йили 11 миллион евро эвазига Франциянинг «Лилль» клубидан «Лидс»га ўтган эди. Унинг «товуслар» билан амалдаги шартномаси 2029 йилнинг 30 июнига қадар мўлжалланган. Ҳимоячи якунланган 2025/26 йилги мавсумда «Лидс» сафида барча мусобақаларда 35 та учрашувда майдонга тушиб, ўз ҳисобига 1 та гол ва 1 та голли узатма ёздириб қўйган. Нуфузли Transfermarkt портали швециялик футболчининг трансфер баҳосини 20 миллион еврога баҳоламоқда.