Шотландия терма жамоаси бош мураббийи Стив Кларк Бразилиядан қабул қилиб олинган йирик мағлубиятдан (0:3) сўнг Винисиус Жуниорнинг ўйини ҳақидаги фикрлари билан ўртоқлашди.
Мадриднинг "Реал" клуби футболчиси учрашувнинг 7 ва 45-дақиқаларида гол уриб, дубль муаллифига айланди. Танаффусдан сўнг Матеус Кунья якуний ҳисобни ўрнатди.
"Винисиус — ўзига хос футболчи. Мен ўзим ҳам қанот ҳимоячиси бўлганман ва у ўзига қарши тўп суришни умуман истамайдиган вингерлар тоифасига киради", — дея ўйиндан кейинги матбуот анжуманида Кларк таъкидлаб ўтди.
Бразилия етти очко билан гуруҳда биринчи ўринни эгаллади. Шотландлар эса уч очко билан учинчи бўлишди — уларнинг турнирдаги кейинги тақдири бироздан сўнг ойдинлашади.
