Германия терма жамоаси вингери Джамал Мусиала Жаҳон чемпионати — 2026 гуруҳ босқичининг учинчи туридан ўрин олган Эквадор миллий терма жамоасига қарши бўлажак учрашувда майдонга тушмайди. Бу ҳақда инсайдер Флориан Плеттенберг ўз ижтимоий тармоқлари орқали хабар бермоқда.
Журналистга маълум бўлишича, "бундестим" мураббийлар штаби плей-офф босқичи олдидан футболчига қўшимча дам беришга қарор қилган. Майдонда Мусиаланинг ўрнини Дениз Ундав эгаллаши мумкин.
Германия ва Эквадор терма жамоалари ўртасидаги учрашув бугун, 25 июнь куни бўлиб ўтади. Бош ҳакамнинг старт ҳуштаги Тошкент вақти билан соат 23:00 да чалинади.
