Ярим ҳимоячи Энтони Гордон "Ньюкасл"дан "Барселона"га ўтди.
Mundo Deportivo нашри берган маълумотларга кўра, Каталония клуби инглиз футболчисининг трансфери учун кафолатланган 70 миллион евро тўлаган. Яна 10 миллион еврони "қарғалар" бонуслар тариқасида олишлари мумкин. Бонусларнинг 5 миллион евроси Испания чемпионати ва Чемпионлар лигасидаги ғалаба каби совринларга боғланган. Гордон "кўк-анорранглилар" билан 2031 йилнинг 30 июнига қадар мўлжалланган шартнома имзолади.
2025/26 йилги мавсумда Энтони Гордон "Ньюкасл" сафида барча турнирларда 46 та учрашувда майдонга тушиб, 17 та гол урди ва бешта голли узатмани амалга оширди. Ярим ҳимоячи "қарғалар" шарафини 2023 йилдан бери ҳимоя қилиб келаётган эди.
