Мексикалик ҳужумчи Сантьяго Хименес "Милан"да қолишдан умид қилаётган бўлса-да, клубнинг ўзи ундан қутилишни истамоқда ва бунинг йўлини топган кўринади. Бунинг устига, жуда яхши нархда — Португалиянинг "Порту" клуби у учун 28 миллион евро таклиф қилмоқда, деб хабар бермоқда Deportes Total нашри.
Шу билан бирга, манбанинг таъкидлашича, футболчининг айни пайтдаги реал бозор қиймати 20 миллион евродан ошмайди. Шу сабабли, бу вариант жуда фойдали ҳисобланади, айниқса, агар футболчи маълум бир ўйин ва вақт кўрсаткичларига эришса, "аждарҳолар" кейинчалик турли молиявий бонуслар сифатида яна 7 миллион евро тўлаб беришга тайёр эканликларини инобатга олса.
