Колумбия терма жамоаси ҳужумкор ярим ҳимоячиси Хамес Родригес Португалия терма жамоаси ҳужумчиси Криштиану Роналду ҳақидаги фикрлари билан ўртоқлашди.
Колумбияликлар ва португалияликлар ЖЧ-2026 гуруҳ босқичининг учинчи туридан ўрин олган, 28 июнь куни бўлиб ўтадиган тўқнашувда ўзаро баҳс олиб боришади.
"Криштиану ҳар доим ғалабалар ва голларга ўч бўлган. Португалия терма жамоаси тўлиқ таркибда жуда ажойиб кўринмоқда. Бизни супер ўйин кутяпти", — дея ўтмишда Роналду билан бирга Мадриднинг "Реал" клубида тўп сурган Хамеснинг сўзларини Al Nassr Zone нашри келтиради.
Колумбия терма жамоаси икки турдан сўнг 6 очко билан "К" квартети турнир жадвалида пешқадамлик қилмоқда, Португалия эса 4 очко билан иккинчи ўринни эгаллаб турибди.
