Жаҳон чемпионати — 2026 гуруҳ босқичи учинчи туридан ўрин олган баҳсда Нидерландия терма жамоаси Тунис миллий терма жамоаси устидан 3:1 ҳисобида ғалаба қозонди. Ушбу учрашув ҳақида "апелсинранглилар" устози Рональд Куман ўз фикрини билдирди.
"Биз квартетда биринчи ўринни эгалладик, мен бу натижадан қониқдим. Аммо ўйин давомида жамоанинг бўшашиб кетгани менга ёқмади. Биз тез фурсатда 2:0 ҳисобида олдинга чиқиб олганимиз футболчиларга таъсир қилди. Бундай муносабат Марокашга қарши ўйинда муаммога айланиши мумкин. Бу жуда яхши ҳужум чизиғига эга жамоа", — дея Куманнинг сўзларини ФИФА матбуот хизмати келтиради.
Эслатиб ўтамиз, Жаҳон чемпионати Шимолий Америкада 11 июндан 19 июлга қадар бўлиб ўтмоқда.
