Португалия терма жамоаси бош мураббийи Роберто Мартинес Криштиану Роналду билан гаплашиб, футболчининг ўйин вақти бўйича ўз позициясини унга етказиши лозим. Бундай фикрни «Манчестер Юнайтед»нинг собиқ ҳимоячиси ва Роналдунинг собиқ жамоадоши Рио Фердинанд билдирди.
Унинг фикрича, Роналду Ўзбекистон билан ўйинни тўлиқ майдонда ўтказмаслиги керак эди, бироқ олдиндан келишувсиз уни алмаштириш хавфли.
«Агар унга: Қулоқ сол, биз узоқ давом этадиган турнир ҳақида гапиряпмиз. Олтинчи ўйинга келиб соғлом ва яхши спорт формасида бўлишинг зарур... дейилса, унда бу иш бериши керак», — дея Фердинанднинг сўзларини «The Athletic» нашри келтиради.
Ўзбекистон билан баҳсда Роналду дубль қайд этди. Португалияликлар плей-офф босқичи йўлланмасини нақд қилиб бўлишган ва гуруҳ босқичининг сўнгги турида Колумбия билан гуруҳдаги биринчи ўринни ўзаро ҳал қилишади.
