Англия терма жамоаси собиқ ҳимоячиси Гари Невилл ҳужумчи Килиан Мбаппе Францияга ЖЧ-2026 олтин медалларини тақдим этади деб ҳисоблайди.

«Албатта, ҳамма Роналду, Месси ҳақида гапирмоқда, лекин мен бу Мбаппенинг турнири деб ўйлайман.

У Қатардаги сўнгги финалда ўзини ўзгача тарзда кўрсата олди. Сўнгги ярим соат ичида нималар содир бўлгани ҳақида ўйлаб кўрсангиз, бу шунчаки ақл бовар қилмас иш эди.

Мен унинг жаҳон чемпионатида ғолиб чиқишига ишонаман, чиндан ҳам шундай ўйлайман. Менимча, у Франция учун чемпионликни қўлга киритади», — деди Невилл «The Overlap» подкастида.