Франция терма жамоаси вингери Дезире Дуэ Норвегия терма жамоаси дарвозасига гол урганидан кейин ўз фикрларини билдирди. Учрашув унинг жамоасининг 4:1 ҳисобидаги ғалабаси билан якунланди.
«Бу шунчаки ажойиб, мен жуда бахтлиман. Ушбу гол шахсан мен учун муҳим. Ҳар бир футболчи жаҳон чемпионатида гол уришни орзу қилади. Биз ушбу ғалабадан жуда хурсандмиз», — дея футболчининг сўзларидан иқтибос келтирмоқда RMC Sport.
Ҳисобида 9 очко бўлган Франция гуруҳда биринчи ўрин билан маррага етди. Унинг плей-оффдаги рақиби кейинроқ маълум бўлади.
