Гана терма жамоаси ҳужумчиси Брэндон Томас-Асанте Жаҳон чемпионати — 2026 гуруҳ босқичи учинчи тури доирасида Хорватия терма жамоасидан қабул қилиб олинган мағлубиятдан сўнг ўз фикрларини билдирди. Африкаликлар европаликларга 1:2 ҳисобида имкониятни бой беришди.
«Биз хафамиз, чунки ғалаба қозонган тақдиримизда юқорироқ ўринга даъвогарлик қилишимиз мумкин эди. Бизда имконият бўлганди, аммо ундан фойдалана олмадик. Шунга қарамай, жамоа мундиалнинг плей-офф босқичига йўл олди. Биз имкон қадар узоқроққа боришни мақсад қилганмиз», — дея ҳужумчининг сўзларини ФИФА матбуот хизмати келтирмоқда.
Гана терма жамоаси гуруҳда учинчи ўрин билан финишга эришди. 1/16 финалда африкаликларга Колумбия терма жамоаси рақиблик қилади.
