Аргентина терма жамоаси Жаҳон чемпионати — 2026 гуруҳ босқичидан ишончли тарзда ўтиб, плей-оффга йўл олди. Мусобақанинг 1/16 финалида амалдаги чемпионлар Кабо-Верде миллий терма жамоасига қарши баҳс олиб боришади.
Бўлажак учрашувдан кутилаётган фикрлари билан «альбиселесте» устози Лионель Скалони ўртоқлашди.
«Кабо-Верде — яхши терма жамоа, уларнинг кўрсатган натижаси мени ажаблантирмаяпти. Бу Испания ва Уругвайга муаммо туғдира олган қийин рақиб. Уларнинг сафида тезкор ва юқори маҳоратли футболчилар бор», — дея 48 ёшли мутахассиснинг сўзларини миллий терма жамоа матбуот хизмати келтирмоқда.
Аргентина ва Кабо-Верде ўртасидаги учрашув 4 июль куни бўлиб ўтади.
