Португалия терма жамоаси ЖЧ-2026 гуруҳ босқичининг сўнгги туридан ўрин олган учрашувда Колумбия билан дуранг ўйнади (0:0).

Ярим ҳимоячи Витинья майдонда 70 дақиқа ҳаракат қилди ва шундан сўнг захирага олинди. «ПСЖ» вакили ўйин давомида 54 та узатмани амалга оширди ва уларнинг барчаси аниқ чиқди. Opta таҳлилий портали маълумотларига кўра, Витинья статистика юритила бошлагандан бери Жаҳон чемпионатларидаги битта учрашувни 100 фоизлик аниқлик билан якунлаган илк португалиялик футболчига айланди (камида 20 та пас берган ўйинчилар орасида).

Португалия 5 очко билан гуруҳда иккинчи ўринни эгаллади, Колумбия эса 7 очко билан биринчи бўлди. Мусобақанинг 1/16 финалида Роберто Мартинес шогирдлари Хорватияга қарши майдонга тушишади.