Англия терма жамоасининг собиқ ҳужумчиси Карлтон Коул «уч шерлар» устози Томас Тухелга Жаҳон чемпионатида миллий жамоанинг ярим ҳимоя чизиғига ўзгартиришлар киритишни маслаҳат берди.
«Ҳеч ким Кобби Майнуни тилга олмаяпти, мен бунга тушунмаяпман. У ҳақиқий маҳорат соҳиби. Нега у [Тухель] ўз ихтиёридаги энг яхши футболчилардан фойдаланмаётганига ақлим бовар қилмаяпти.
Эллиот Андерсонни таркибдан чиқариш керакми? Ҳа. Буни қилишга мажбурмиз, чунки бизда Андерсоннинг вазифасини бажара оладиган бошқа бир футболчи бор — бу Райс. Иккаласини ҳам таркибга тиқиштириш шарт эмас. Ҳужумларни ривожлантиришда ундан (Майнудан) кўра илғорроқ ҳеч кимимиз йўқ», — дея Коулнинг сўзларини talkSPORT нашри келтирмоқда.
Эслатиб ўтамиз, Кобби Майну Жаҳон чемпионатида Англия терма жамоасининг асосий таркиб футболчиси ҳисобланмайди. ЖЧ-2026да хавбек учта ўйиндан фақат биттасида майдонга тушган.
