Лионель Месси жарима зарбасидан урилган голлар сони бўйича бразилиялик Жуниньо Пернамбукано билан тенглашиб олди. Бу аргентиналик юлдузнинг ЖЧ-2026 3-туридан ўрин олган Иорданияга қарши ўйинда (3:1) киритган голи эвазига содир бўлди.
Эндиликда ҳар икки футболчи ҳисобида миллий терма жамоа ва турли мамлакатларнинг олий дивизионларидаги клублар миқёсида стандарт вазиятлардан киритилган 72 тадан гол мавжуд.
Бир қатор статистик порталлар Мессидан юқорироқ ўринга бир йўла уч нафар Бразилия вакилини қўймоқда — Марселиньо Кариока (78 та гол), Жаир Роса Пинто (74 та гол) ва Роберто Динамите (73 та гол). Аммо шуни таъкидлаш жоизки, бу рақамлар 100 фоиз тасдиқланмаган.
Месси ва Пернамбуканодан кейинги ўринларни Маркос Ассунсао (68 та) ва Синиша Михайлович (67 та гол) эгаллаб туришибди.
