Америкалик мутахассис, Канада терма жамоаси бош мураббийи Жесси Марш ЖЧ-2026 1/16 финалидан ўрин олган ЖАР миллий терма жамоасига қарши бўлажак ўйин ҳақида гапирди.
«Бу ўйинда бизни қийинчиликлар, муваффақиятлар ва синовлар кутмоқда, энг муҳими — биз ушбу чақириқларнинг барчасини қабул қилишга тайёрмиз. Мен учун, агар бу иш билан пул топиш учун шуғулланаётган бўлсанг, бундай лаҳзаларнинг ўзи ҳаёт демакдир», — дея Маршнинг сўзларини келтиради ФИФА расмий сайти.
Эслатиб ўтамиз, канадаликлик "B" гуруҳида иккинчи ўринни эгаллаб, плей-оффга йўл олишди. Марш шогирдлари Қатар ҳамда Босния ва Герцеговинани ортда қолдиришди, бироқ Швейцариядан пастроқ натижа қайд этишди. ЖАР жамоаси ҳам ўз гуруҳида фақатгина Мексикани олдинга ўтказиб, иккинчи бўлиб маррага етиб келган.
Плей-оффнинг ушбу илк ўйини бугун, 28 июнь куни бўлиб ўтади. Учрашув старти Тошкент вақти билан соат 24:00 га тўғри келади.
