Бразилия терма жамоаси собиқ ярим ҳимоячиси Зико миллий жамоанинг жаҳон чемпионати 1/16 финали доирасида Японияга қарши бўлиб ўтадиган бўлажак ўйини ҳақида фикр билдирди.
Зико 1991 йилдан 1994 йилгача Японияда тўп сурган, 2002 йилдан 2006 йилгача эса ушбу мамлакат миллий терма жамоаси бош мураббийи сифатида фаолият юритган. Шунингдек, у ўзи ўйнаган «Касима Антлерс» клубида ҳам турли лавозимларда ишлаган.
«Албатта, мен Бразилияга мухлислик қиламан. Бразилияга қарши ўйинда Япония терма жамоасини бошқаришдан ҳам қийинроқ нарса борми? Мен бундай вазиятга икки марта дуч келганман.
Агар Бразилия ғалаба қозонса, бу жуда ажойиб бўлади, чунки мен бразилияликман. Аммо улар мағлубиятга учрашса ҳам хафа бўлмайман, чунки япон футболида менинг ҳам кичик бир бўлагим бор», — деди Зико.
