«Ливерпул»нинг собиқ ҳужумчиси Робби Фаулер ижтимоий тармоқларда аввалроқ «қизиллар» сафида тўп сурган ҳужумчи Муҳаммад Салоҳнинг ўрнини қайси футболчи эгаллаши мумкинлиги ҳақида фикр билдирди.

«Ливерпуль» кимни сотиб олиши ҳақида кўплаб миш-мишлар юрибди, аммо буларнинг орасида Пулишичнинг фамилиясини кўрмадим. Унинг ёши жуда ажойиб, Премьер-лигада ўйнаб улгурган — ажойиб футболчи. Мен айнан Кристианни таркибга қўшиб олган бўлардим — унинг босиб ўтган йўли қайсидир маънода Салоҳнинг тарихига ўхшаб кетади. Бунга нима дейсиз?» — дейилади Фаулернинг постида.

Якунланган клуб мавсумида Пулишич «Милан» сафида 34 та ўйинда майдонга тушиб, 10 та гол урди ва 4 та голли узатмани амалга оширди.

Transfermarkt портали маълумотларига кўра, футболчининг ҳозирги бозор қиймати 40 миллион еврони ташкил этади. Эслатиб ўтамиз, вингер бундан аввал «Челси» ва Дортмунднинг «Боруссия» клубларида ҳам тўп сурган.