Аргентина терма жамоаси бош мураббийи Лионель Скалони ЖЧ-2026 1/16 финалидан ўрин олган Кабо-Верде терма жамоасига қарши ўйиннинг бошланиш вақтини танқид қилди.
Учрашув 3 июль куни Майамидаги «Хард Рок Стэдиум» стадионида бўлиб ўтади. Cтарт маҳаллий вақт билан соат 18:00 га режалаштирилган. Учрашув бошланишига келиб ҳаво ҳарорати 32 °C га етади, намлик эса 70 % ни ташкил қилади.
«Кучли иссиқда ўйнашга тўғри келади — учрашув учун бундай вақт танланиши саволлар туғдирмоқда. Аммо шароит иккала жамоа учун ҳам бир хил, шунинг учун нолишга ҳожат йўқ», — дея Скалонининг сўзларини келтиради TyC Sports.
