ЖЧ-2026 турнирининг 1/16 финали доирасида Франция терма жамоаси Швеция миллий термасига қарши баҳс олиб боради. Lequipe нашри журналистларига маълум бўлишича, «учранглилар»нинг икки нафар футболчиси бўлажак учрашувни ўтказиб юбориш хавфи остида турибди.
Манба берган маълумотларга кўра, ҳужумчи Маркус Тюрам ва таянч ярим ҳимоячиси Н’Голо Канте майдонга туша олмаслиги мумкин. Ҳужумчининг болдир мушаклари шикастланган, ярим ҳимоячида эса тиззаси билан боғлиқ муаммолар аниқланган.
Франция ва Швеция терма жамоалари ўртасидаги учрашув чоршанба куни, 1 июль санасида бўлиб ўтади. Ўйин Тошкент вақти билан тунги соат 02:00 да бошланади.
