Каталониянинг «Барселона» ва Мадриднинг «Реал» клубларида тўп сурган Бразилия футболи афсонаси, ҳужумчи Роналдо икки суперюлдуз — аргентиналик Лионель Месси ва франциялик Килиан Мбаппенинг ўйинлари ҳақида фикр билдирди.

«Месси ва Мбаппе Жаҳон чемпионати тўпурарлари пойгасида ғолиб чиқишга лойиқ. Лео тарихдаги энг яхши футболчилардан бири. У ҳозир ҳам жуда кучли ўйин намойиш этмоқда.

Мбаппе? Унинг ўйин услуби менга ўзимнинг ёшлигимни эслатиб юборади. Килиан — бугунги куннинг энг зўр футболчиларидан биридир», — дея бразилиялик собиқ футболчининг сўзларини келтиради Lequipe нашри.

Жаҳон чемпионати — 2026 мусобақасининг гуруҳ босқичи якунларига кўра, Месси 6 та гол билан тўпурарлар рўйхатида пешқадамлик қилмоқда. Мбаппе эса 4 та гол билан иккинчи ўринда бормоқда.