Таниқли италиялик собиқ футболчи Марко Тарделли ҳужумчи Криштиану Роналдунинг Португалия терма жамоасидаги вазияти ҳақида фикр билдирди.

41 ёшли ҳужумчи танқидларга қарамай, ЖЧ-2026 баҳсларида португалияликларнинг асосий таркибида майдонга тушишда давом этмоқда. «Ан-Наср» юлдузи Ўзбекистон терма жамоасига қарши ўйинда (5:0) дубль қайд этишга муваффақ бўлди, бироқ Конго ДР (1:1) ва Колумбия (0:0) билан учрашувларда гол ура олмади.

«Ҳеч кимнинг хафа қилишни истамайман, лекин Роналду ўзининг ҳозирги ҳолатида захира ўриндиғида ўтирса ҳам бўларди. У энди майдонда олдингидек катта фарқни юзага келтира олмаяпти. Португалия терма жамоасидаги шериклари ҳозир унга ишонмаётгани кўриниб турибди», — дея 1982 йилги жаҳон чемпиони Тарделлининг сўзларини келтиради журналист Николо Скира.

Эслатиб ўтамиз, 3 июль куни Роберто Мартинес шогирдлари 1/16 финал доирасида Хорватияга қарши майдонга тушишади.