Мексика миллий терма жамоаси дарвозабони Рауль Ранхель Жаҳон чемпионати — 2026 мусобақасининг гуруҳ босқичи якунларига кўра, ўзи иштирок этган учта учрашувнинг бирортасида ҳам ўз дарвозасидан тўп олиб чиқмади.
Хусусан, 26 ёшли голкипер ЖАР (2:0), Жанубий Корея (1:0) ва Чехия (3:0) терма жамоаларига қарши кечган баҳсларда ўз дарвозаси дахлсизлигини сақлаб қолишга муваффақ бўлди.
Шу тариқа, Рауль Ранхель ва Игнасио Кальдерон Мексика терма жамоаси тарихида бундай йирик муваффақиятга эришган ягона дарвозабонларга айланишди. Эслатиб ўтамиз, афсонавий Кальдерон ЖЧ-1970 мусобақасида СССР (0:0), Сальвадор (4:0) ва Бельгия (1:0) билан бўлган ўйинларда рақибларига гол уриш имкониятини бермаган эди.
