Meksika milliy terma jamoasi darvozaboni Raul Ranxel Jahon chempionati — 2026 musobaqasining guruh bosqichi yakunlariga ko‘ra, o‘zi ishtirok etgan uchta uchrashuvning birortasida ham o‘z darvozasidan to‘p olib chiqmadi.
Xususan, 26 yoshli golkiper JAR (2:0), Janubiy Koreya (1:0) va Chexiya (3:0) terma jamoalariga qarshi kechgan bahslarda o‘z darvozasi daxlsizligini saqlab qolishga muvaffaq bo‘ldi.
Shu tariqa, Raul Ranxel va Ignasio Kalderon Meksika terma jamoasi tarixida bunday yirik muvaffaqiyatga erishgan yagona darvozabonlarga aylanishdi. Eslatib o‘tamiz, afsonaviy Kalderon JCH-1970 musobaqasida SSSR (0:0), Salvador (4:0) va Belgiya (1:0) bilan bo‘lgan o‘yinlarda raqiblariga gol urish imkoniyatini bermagan edi.













