Лондоннинг «Челси» клуби янги мавсум олдидан ҳужум чизиғини кучайтириш мақсадида «Вест Хэм Юнайтед» дуэти — Жаррод Боуэн ва Крисенсио Саммервиллнинг ҳолатини диққат билан ўрганмоқда.
Клуб Чемпионшипга тушиб кетганидан сўнг, Боуэн «Вест Хэм»нинг энг қимматли активларидан бири бўлиб қолмоқда. Саммервиллнинг эса ортда қолган ажойиб мавсуми ҳамда Жаҳон чемпионатидаги (ЖЧ-2026) мазмунли ўйинлари унинг трансфер бозоридаги нуфузини янада ошириб юборди.
Гарчи «болғачилар» молиявий ҳолатни барқарорлаштириш доирасида футболчиларни сотиш имкониятини кўриб чиқишлари кутилаётган бўлса-да, ҳар икки вингерни осонликча ва арзонга қўйиб юборишмоқчи эмас. Боиси, жамоа бош мураббийи Нуну Эшпириту Санту тезлик билан яна Премьер-лигага қайтиш режасида бу икки футболчини асосий фигуралар сифатида кўрмоқда.
