Журналист Жоан Мария Батльенинг фикрига кўра, «Барселона» раҳбарияти шу ёзда Рафинья Диаснинг сотувини кўриб чиқиши мумкин.

29 ёшли футболчига Саудия Арабистони чемпионати вакиллари қизиқиш билдирмоқда.

«Рафинья билан боғлиқ вазият ҳар қачонгидан ҳам мавҳум бўлиб турибди. Жароҳатлар, Саудия Арабистони ҳақидаги миш-мишлар, Гордоннинг сотиб олингани ва клубга катта миқдордаги маблағ кераклиги — буларнинг барчаси иқтисодий нуқтаи назардан «Барселона» учун ҳозир Рафинья билан хайрлашиш мантиқли қадам бўлишини кўрсатмоқда. Эҳтимол, уни сотиш учун энг яхши пайт айнан ҳозирдир. Спорт нуқтаи назаридан эса бу жуда мураккаб масала, чунки Рафинья барибир Рафиньялигича қолади. Энди ҳамма нарса унинг ўзига боғлиқ бўлади», — дея Батльенинг сўзларини келтиради Barca Universal.

Эслатиб ўтамиз, яқинда бразилиялик юлдуз навбатдаги жароҳатини олди, шу сабабли у Жаҳон чемпионатининг 1/16 финали доирасида Японияга қарши бўлиб ўтадиган учрашувда майдонга туша олмайди.