«Барселона» клубининг собиқ футболчиси Тьерри Анри аргентиналик ҳужумчи Лионель Мессининг жарима зарбаларини ижро этишдаги юқори маҳорати ҳақида ўз фикрлари билан ўртоқлашди.

«Мен Мессининг жарима зарбаларини тепишни бошлаган пайтларини кўрганман. Тўғрисини айтсам, у қадар яхши эмасди. Ҳатто у ҳеч қачон бу ишнинг устаси бўла олмаса керак, деб ўйлагандим. Аммо тинимсиз такрорлаш, ҳатто энг зўрлар учун ҳам — муваффақият гаровидир. Одамлар бир нарсани тушунишмайди: истеъдод бор, ҳа, лекин унинг устида ишлаш керак. Месси ҳар куни жарима зарбаларини машқ қиларди. Тўп жонли деворга тегарди, ноаниқ кетарди... Аммо ҳозир унинг деярли барча жарима зарбалари — ё гол билан тугайди, ёки дарвозабоннинг сейвига айланади», — дея Анрининг сўзларини келтиради The Touchline нашри.

Жаҳон чемпионати — 2026 гуруҳ босқичининг учинчи туридан ўрин олган баҳсда Аргентина терма жамоаси Иорданияни 3:1 ҳисобида мағлуб этди. Голлардан бирига 39 ёшли Месси муаллифлик қилди — у жарима зарбасини тўғридан-тўғри дарвозага йўллаб, рақиб посбонини ожиз қолдирди. Бу гол орқали ҳужумчининг стандарт вазиятлардан урган голлари сони 72 тага етди.