Франция миллий терма жамоаси марказий ярим ҳимоячиси Адриен Рабио жамоа устози Дидье Дешамнинг руҳий ҳолати ҳақида тўхталиб ўтди.
Эслатиб ўтамиз, мутахассис оғир жудоликни бошдан кечирди — унинг онаси вафот этди. Шу сабабли Дешам Жаҳон чемпионати — 2026 гуруҳ босқичининг учинчи туридан ўрин олган Норвегияга қарши учрашувни (4:1) ўтказиб юборган эди.
«Бу биз учун ҳақиқий шок бўлди. Унинг қалби оғримоқда, лекин назаримда, жамоадаги муҳитга таъсир қилмаслик учун у буни у қадар сездирмасликка ҳаракат қиляпти. Биз ҳаммамиз бирлашдик: унинг қандай ҳолатни бошдан кечираётганини тушуниб турибмиз ва руҳий ҳолатини бироз бўлса-да яхшилашга, унга далда бўлишга ҳаракат қиляпмиз», — дея хавбекнинг сўзларини келтиради RMC Sport нашри.
Мундиалнинг 1/16 финалида Франция терма жамоаси Швецияга қарши майдонга тушади. Ушбу учрашув 1 июль куни бўлиб ўтади.
