Душанба куни Жаҳон чемпионатининг 1/8 финалига бериладиган навбатдаги йўлланма учун Бразилия ва Япония терма жамоалари ўзаро баҳс олиб боришмоқда. Биринчи бўлим якунланди ва стадион таблосида 0:1 ҳисоби порлаб турибди.
Япония терма жамоаси учрашувнинг 29-дақиқасида ҳисобни очди: Каису Сано марказ бўйлаб олдинга қараб юриш қилди ва рақиб жарима майдончасига яқинлашган ҳолда чап бурчакка аниқ зарба йўллади.
Карло Анчелотти жамоаси танаффусдан кейин вазиятни ўнглаши ва жавоб голини уриши талаб этилади.
Эслатиб ўтамиз, Бразилия — Япония баҳси ғолиби мундиалнинг 1/8 финалида Кот-д’Ивуар — Норвегия учрашуви ғолибига қарши майдонга тушади.
