«Манчестер Сити» директорлар кенгаши раиси Халдун ал-Муборак жамоанинг янги бош мураббийи этиб Энцо Мареска тайинлангани ҳақида фикр билдирди.
«Энцо мураббийлик фаолияти давомида доимо янги чақириқларни излаб келган ва юқори натижаларга интилиб яшаган мутахассисдир. У харизма, ишга бўлган юксак иштиёқ ва чуқур футбол тафаккурини ўзи билан олиб келади. Айнан шу сифатлар бизга керак.
У мақсад ва амбициялари ўзиники билан тўлиқ мос келадиган клубга қайтмоқда. Шунинг учун ҳам Энцонинг «Манчестер Сити»га қайтиши у учун ҳам, клубимиз учун ҳам табиий ва кутилган қадам бўлди.
Унинг ихтиёрида ўзининг футбол фалсафасини амалга ошириш ва янада ривожлантириш учун жуда мос жамоа ҳамда футбол тузилмаси бўлади. Унинг клубнинг келажакдаги муваффақиятларига қандай ҳисса қўшишини катта қизиқиш билан кутмоқдамиз. Хуш келибсан, Энцо», — деди ал-Муборак клуб расмий сайтига берган интервьюсида.
Эслатиб ўтамиз, Энцо Мареска «Манчестер Сити» бош мураббийи лавозимида Хосеп Гвардиола ўрнини эгаллади.













