Германиялик собиқ футболчи, 2014 йилги жаҳон чемпиони Пер Мертезакер Германия терма жамоасининг ЖЧ-2026 1/16 финал босқичида мусобақани тарк этганига муносабат билдирди. «Бундестим» кутилмаганда Парагвай жамоасига имкониятни бой бериб қўйди.
«2024 йилда икки йилдан кейин яна Жаҳон чемпионатида ғолиб чиқишимиз ҳақида гап-сўзлар бўлганди. Энди буни унутиш мумкин. Тез орада яна чўққига қайта олиш учун биз ҳали жуда кўп меҳнат қилишимиз керак.
Германия гуруҳ босқичининг энг ёмон терма жамоасига қарши ўйнади. Бундай мағлубиятдан кейин ҳамма чуқур ўйлаб кўриши лозим. Бундай натижа амбицияларимизга умуман мос келмайди», — дея собиқ ҳимоячининг сўзларини келтиради Sport.sky.de.
Эслатиб ўтамиз, учрашувнинг асосий вақти 1:1 ҳисобида якунланди, пенальтилар сериясида эса Германия 3:4 ҳисобида имкониятни бой берди.
