Германия терма жамоаси плей-оффнинг илк босқичида Парагвай миллий терма жамоасига имкониятни бой бериб, ЖЧ-2026даги иштирокини якунлади. «Бундестим» бош мураббийи Юлиан Нагельсманн мазкур муваффақиятсизлик ҳақида ўз фикрларини билдирди.
«1/16 финалда мусобақадан чиқиб кетиш — биз учун қабул қилиб бўлмас натижа. Германия кетма-кет учинчи марта турнирнинг эрта босқичида курашни тарк этмоқда, бундан кейин бизни энди юқори савияли терма жамоа эмас, деб айтса бўлади. Ҳамманинг ҳафсаласи жуда пир бўлди», — дея мутахассиснинг сўзларини келтиради ESPN.
Эслатиб ўтамиз, Германия ва Парагвай терма жамоалари ўртасидаги учрашув 1:1 ҳисобидаги дуранг билан якунланди. Ўйиндан кейинги 11 метрлик пенальтилар сериясида «бундестим» 3:4 ҳисобида имкониятни бой берди ва Жаҳон чемпионатидан чиқиб кетди.
