Япония миллий терма жамоаси Жаҳон чемпионатининг 1/16 финали доирасидаги шиддатли баҳсда Бразилияга 1:2 ҳисобида имкониятни бой берди. Иккинчи бўлимга қўшиб берилган вақт тугашига бир дақиқа қолганда Габриэл Мартинелли томонидан киритилган ғалаба голи учрашув тақдирини ҳал қилди.
Шу тариқа, японлар яна бир бор драматик тарзда Жаҳон чемпионати плей-оффининг илк босқичидаёқ курашдан чиқишди. Бундан аввал «самурайлар» 2002, 2010, 2018 ва 2022 йилги Жаҳон чемпионатларида ҳам айнан биринчи плей-офф раундида мағлуб бўлишган эди. Япония терма жамоаси ўз тарихида ҳали ҳеч қачон плей-оффнинг илк босқичидан юқорироққа кўтарила олмаган.
Эслатиб ўтамиз, гуруҳ босқичида японлар «F» гуруҳида Нидерландияни олдинга ўтказиб юбориб, иккинчи ўри
