Бразилия терма жамоаси ярим ҳимоячиси Каземиро Жаҳон чемпионатининг 1/16 финалида Япония устидан қозонилган иродали ғалабадан (2:1) сўнг ўз фикрларини билдирди.
«Жамоамизнинг энг бош устунлиги — бу бизнинг руҳиятимиз бўлди. Биз ҳужумда рақибга тинимсиз босим ўтказиб турдик. Жаҳон чемпионатида захирадан майдонга тушадиган футболчиларни қадрлаш жуда муҳим аҳамиятга эга. Бугун Эндрик захирадан қўшилиб жуда яхши ўйнади, Мартинелли — яна бир ажойиб футболчи, Райан эса Рафиньянинг ўрнини муносиб тарзда тўлдирмоқда. Мана шу бизнинг руҳиятимиз ва бу — Жаҳон чемпионатида ғолиб чиқишга қодир бўлган таркиб», — дея Каземиронинг сўзларини келтиради ФИФА расмий сайти.
ЖЧ-2026нинг 1/8 финалида Бразилия терма жамоаси 5 июль куни Кот-д’Ивуар – Норвегия баҳси ғолибига қарши майдонга тушади.
